Esplosione 1: LE PROPOSTE DI 
Rosalba Adamo

 

 

Freccia circolare a destra: E-mail

 

Freccia ad arco: Biografia

 

 

 

 

NAPULE

 

Napule

Mezanotte d’estate e sì ‘nu suonno!

Me fermo a via Caracciolo

e ‘a luntano

veco Pusilleco che nasce dint’all’acqua.

Comme ‘a ‘na gran signora

chesta sera

t’è mise ‘a meglia vesta ca tu tieni:

‘na gonna ‘e mare blu

e ‘nu cappiello punteggiato ‘e stelle.

E comme ‘a ‘na signora

ridi e sienti felice chi te dice

”Guardate quant’è bella!”

 

CAPRI

 

O mare fazzoletto e seta fina,

e scoglie, merletti assai pregiate

 

e casarelle sparze accà e allà

cunfietti

 

chesta Capri si tu,

…na bumbuniera!

 

 

RICORDI

 

O tiempo è scuro scuro ammore mio.

M’arricordo e serate passate

int’o lietto stritti stritti abbracciati

dint’o core io tengo nu chianto

ca nisciuno dint’all’uocchie me vede!

 

E quanno sto sola e te penzo

a tristezza s’allarga int’o core…

 

comm’è fatte ascurdà tutt’e ccose

ca cu ll’uocchie tanti anne m'è ditto

comm’è fatto a sciupà chill’ammore

ca pe me, mo capisco, era vita!

 

 

LL'ONNA

 

Me sento comm’e ll’onna

ca vene e se ne va

anema stanca e afflitta chest’è a mia!

Me sento comm’è ll’onna

ca nun trova mai pace

se perde mmiez’o mare

e nnanz’a chistu mare

nnammurata

se mette, e ppo’, scontrosa, s’alluntana!

 

So comm’è l’onna

sbattuta ‘ncopp’a riva

e a rena cu nu pere a sbatte fora…

Ammore ammore mio

ca staie luntano e staie accussì vicino

si comm’o mare, calmo e traditore

…nun me pozzo fidà!

 

  

 Mappa del sito                              Web master                   Copyright © 2003 Gianluca Romanelli

E' vietato - e quindi punibile sulla base delle norme civili e penali in materia di diritto d'autore
(Legge 22 aprile 1941 n. 633) – pubblicare e/o riprodurre, senza autorizzazione dei responsabili,
il materiale (testi, foto, immagini layout e codice) contenuto in questo sito